میاں شہباز شریف (کل) سرگودھا کی تحصیل بھلوال میں جلسہ عام سے خطاب کریں گے

سرگودھا(اُردو پوائنٹ اخبارتازہ ترین۔ 09 جولائی2018ء) پاکستان مسلم لیگ (ن)کے صدرسابق وزیر اعلیٰ پنجاب میاں شہباز شریف (کل) 10جولائی بروز منگل کو سرگودھا کی تحصیل بھلوال میں جلسہ عام سے خطاب کریں گے، جلسہ کیلئے شام 6 بجے کا وقت مقرر کیا گیا ہے، مسلم لیگ (ن) کے جلسہ کیلئے سلیمان پورہ میں پنڈال تیار کر لیا گیا جہاں خصوصی اسٹیج کے علاوہ کارکنوں کیلئے کرسیاں بھی لگائی گئی ہیں جبکہ سکیورٹی کے سخت انتظامات کئے گئے ہیں۔

سرگودھا کی تحصیل بھلوال میں جلسہ سے خطاب سے قبل میاں شہباز شریف بذریعہ روڈ موٹروے کے راستے سرگودھا کی تحصیل کوٹمومن روکیں گے، جہاں انٹرچینج پر کارکنان ان کا استقبال کریں گے۔ میاں شہباز شریف کوٹمومن انٹرچینج سے کارکنان کے کوٹمومن شہر سے ہوتے ہوئے فوارہ چوک پر ریلی کے شرکاء سے خطاب بھی کریں گے۔دونوں مقامات آمد پر سکیورٹی انتظامات مکمل کر کے پولیس کو تعینات کر دیا گیا۔

 خبریں :

انڈونیشیا کے تفریحی مقام بالی کی بندرگاہ پر آتشزدگی، 40 کشتیاں اور چھوٹے جہاز جل گئ