اولمپکس 2020، جاپان میں مسلمانوں کے لئے موبائل مسجد تعمیر

ٹوکیو(اے این این )اولمپکس 2020 کی میزبانی جاپان کرے گا اور ایسے میں جاپانی کمپنی نے مسلمانوں 

کے لیے ایک موبائل مسجد تعمیر کی ہے تاکہ اس دوران مسلم مذہبی عبادت سے محروم نہ رہیں۔

غیر ملکی میڈیا کے مطابق ٹوکیو سپورٹس اور کلچرل ایونٹ کمپنی کی جانب سے یاسو پروجیکٹ کے تحت ویلز 

پر ایک مسجد بنائی گئی ہے جس میں مسلم کمیونٹی اوقات کے مطابق عبادت کرسکے گی۔موبائل مسجد ہر اس 

جگہ جا سکے گی جہاں اولمپکس کھیلوں کے مقامات ہوں گے تاکہ اس دوران کوئی بھی مسلمان عبادت سے 

محروم نہ رہ سکے۔یاسو پروجیکٹ کے سی ای او کا کہنا تھا کہ جاپان میں تقریبا 1 لاکھ سے 2 لاکھ تک مسلم 

آبادی ہے اور موبائل مسجد کو بنانے کا مقصد مسلم افراد سے اپنی میزبانی شیئر کرنا ہے۔ یہ مسجد ویلز پر 

مشتمل ایک ٹرک نما ہوگی جس کا سائز 48 اسکوائر میٹر ہے، جس میں بیک وقت 50 افراد نماز ادا کرسکتے 

ہیں یعنی یہ ایک بڑے کمرے جیسی ہوگی۔علاوہ ازیں اس میں وضو کرنے کا بھی خاص اہتمام کیا گیا ہے۔